Gure Sotoa

Bodegas Molina Perez ardogintza tradizio luzea duen upategia da. Hiru belaunaldik, Jaimek, Carlosek eta Hectorrek, ahalegin eta neke handiz egin dute lan ardoaren pasioagatik, mahastiak zainduz eta ardoa arreta handiz eginez.

40 urteko hazkundearen ondoren, 2010ean, azken belaunaldi txandarekin, Hector Molinak aro berri bat hasi zuen familiako enpresan.

Bere izenpea daraman Molina Pérez marka berria martxan jarri zuen ilusio handiz. Bere aitonak eta aitak utzitako ondareaz baliatuz, Molina Perez Mazerazio Karbonikoa merkaturatzen du, hainbat sari irabaziz.

Gaur egun, aita-semeak batera egiten dute lan upategiko mugak hedatzeko, horrela, Molina Pérez ardo zuria merkaturatu dute; eta era berean, bere lanik pertsonalena, Elsa Autore Ardoa, upel berri batean 12 hilabetetan gordetzen den ardo beltz bat, eta bere familiako altxorrik preziatuenari erreferentzia egiten diona, bere alaba Elsa, laugarren belaunaldia, etorkizunean upategiko agintea hartu dezakeena.

Upategiko xarma ondo zainduta dauden antzinako hormen eta teknologia berrien arteko uztartzean datza. Honen adibide dira hormigoizko eta altzairu herdoilgaitzezko andelak eta botilaratze eta azken produktuaren gunea, non makinak berritzen diren elaborazio teknikak aldatzen doazen heinean.

Bodegaz Molina Pérez-eko bi belaunaldi aktiboek soro eta upategiko lanak uztartzen dituzte. Modu honetan, prozesuko xehetasun guztiak zaintzen dituzte, mahatsondoaren garapen, heltze eta zaintzetik hasita, azken faseraino: botilaratzea.